NATT TIL 1. MAI-GOSPEL 2007

Måndag 30. april er det nok ein gong klart for ”Natt til 1. mai-gospel” på Blindheim bedehus!

Som vanlig blir det mykje allsong og innslag frå forskjellige kor, men i år blir det også eit stort felleskor med ungdommar frå dei fire kora Respons, Nytt Lys (Blindheim), DaKruKo (Dalsfjorden) og Valderøy Ungdomskor.

På dagtid blir det øving frå 12.00 og utover på Borgund Folkehøgskule, der Solveig Håvik blir med og instruerer dei to fellesnummera. Den eine songen er forresten nykomponert av Arild Berstad og vil bli framført for første gong denne kvelden!

Etter kvart blir det middag og lydsjekk, før sjølve gospelnighten startar klokka 20. Då blir bedehuset forhåpentlegvis fylt opp av hundrevis av ungdommar, i tillegg til dei vel 150 korsongarane.

Seinare på kvelden blir det nattkafé i bedehuskjellaren og konsertar med jentegruppa Ljos og rockegruppa Pilot Seven, som tar eit comeback for oss - ganske nøyaktig eitt år etter at dei sa takk for seg i kjellaren på Blindheim bedehus natt til 1. mai 2006.

Med andre ord eit rikhaldig og variert program, som vi satsar på skal trekke til seg mykje ungdom både frå Ålesund og kommunane rundt. Arrangør i år er Blindheim Y-ungdom og Ung Misjon.

Snakkes på Blindheim bedehus, natt til 1. mai! :)